oOo مـنـتــدى فـــراشــــــة الــــــورد oOo

اهـــــلاً بــكـي زائـــرتــنـا الـكـريمة بـمــنـتدى


..oOoفــراشـــــــة الــــــــورد ..oOo..


اذا كـانـت هــذه زيــارتــك الاولــى تــفــضـلــي بـالــتسـجـيــل
oOo مـنـتــدى فـــراشــــــة الــــــورد oOo

    ما هو الكيراتين

    شاطر
    avatar
    بنت الشمال
    V.I.P
    V.I.P

    عدد المساهمات : 116
    تاريخ التسجيل : 15/01/2010

    default ما هو الكيراتين

    مُساهمة من طرف بنت الشمال في السبت يناير 16, 2010 4:27 am

    [center]شفت الموضوع في منتدى ثاني ونقلته لكم

    الكيرايتن (يسمي سرعه العصر حاليا واكثر اختراع بارع خلال هذه الايام)





    توضيح اكتر (الكيرايتن ده موجود داخل جسم الانسان زيه زي الحديد والكالسيوم مثلا)





    وبيقل وبيختفي مع عوامل كتير زي (السشوار الفير الشمس الصبغات التمليس انواع الفرد وغيرها )
    كل ده بيفقد الشعر حيويته ولونه والكيرايتن اللي فيه وبيخليه مطفي مقصف هايش يتساقط





    طيب بنعمل ايه لما يحصل كده ؟
    بتعوضي شعرك بالكيرايتن ده من اول وجديد
    زي مثلا لما بتفقدي الكالسيوم الي فجسمك بتاخدي فيتامينات كالسيوم
    فقدتي الحديد فيتامينات حديد وهكذاا





    طيب ايه انواعه ؟
    انواعه كيرايتن جلوبل وكيرايتن لبناني





    ايه افضلهم؟
    الجلوبل البرازيلي الاصلي طبعا





    طيب توضيح للنوعين؟
    هقولك
    الكيرايتن اللبناني يا جماعه بيحتوي علي ماده لتنعيم الاقمشه والمفروشات
    ودي ماده كيماويه
    وغير محدد فيه نسبه الفورمالين يعني منعرفش اللي فيه فورمالين اد ايه
    ممكن تكون نسبه اعلي من النسبه المصرح بيها ودي خطر
    وماده تنعيم الاقمشه دي ماده كيماويه
    متخيله لما تحطيها علي شعرك وبعدين تعرضيه لحراره السشوار وتستنشقيها انتي كده بتعملي ايه ؟
    وبيعمل ايه تاني ؟
    بيخلي الشعر زي الخشب
    وممتليئ بالمواد الكيماويه الخطره اللي طبعا بتسبب وقوع الشعر والتساقط
    وهو اسوء نوع
    وكمان نسبه الكيرايتن فيه حوالي 50% فقط
    وده اللي بيستخدمه بعض الكوافيرات لانه رخيص
    طيب انتي كده خوفتينا ؟
    لاء مخوفتش حد انا بقول علي اللبناني علشان محدش يضحك عليكم ومتتخدعوش ده شعر يعني تاج المرأه يعني مينفعش تضحي بيه






    نيجي بئه لانضف وأأمن نوع
    وهو الكيرايتن جلوبل الاصلي البرازيلي
    (global keratin )
    والنوع ده انضف نوع





    طيب ليه ؟
    هكلمكم عنه بالتفصيل الممل
    شركه جلوبل منزله 3 انواع للكيرايتن
    ايه هما ؟
    كيرايتن فري يعني خالي من الفورمالين ( للاطفال او غذا للشعر الناعم)
    كيرايتن 2% فورمالين (للشعر المتوسط التجاعيد او الكيرلي )
    كيرايتن 4% فورمالين (للشعر الخشن الكثير التجاعيد)





    يعني الشركه منزله 3 انواع كل نوع منهم يناسب كل حاله شعر





    وكيرايتن جلوبل يحتوي علي 99% الي 100% كيرايتن
    يعني غذا للشعر مفيش بعده
    الشعر بيتشرب بنسبه كامله من الكيرايتن






    طيب يعني ايه الفورمالين ده ؟
    الفورمالين ده بيحفظ وبيغلف كل شعرايه ويحميها من العوامل الخارجيه





    طيب ليه اضرار؟
    وزاره الصحه مصرحه لحد 4% فقط
    وشركه جلوبل مش منزله اكتر من 4%






    توضيح اكتر
    الفورمالين ده موجود في الجبنه الرومي
    الالبان
    بعض الاغذيه والمشروبات
    علشان يحفظهم وبرضو بنسب معينه
    يعني تردي انك تاكليه وتخافي تحطيه فشعرك ؟






    طيب الكيرايتن بيعمل ايه فالشعر بعد ما يتحط؟
    بيخلي شعرك ناعم انسيابي حريري بيغلف كل شعرايه متخيله يعني ايه كل شعرايه ؟






    طيب بيتعمل ازاي ؟
    بيتغسل الشعر بشامبو خاص بالكيرايتن خالي من الصوديوم
    وبعدين بيتنشف بالسشوار
    وبعدين يتوزع عليه الكيرايتن
    وبعدين تعدي بيه علي شعرك من 20 ل 30 دقيقه
    وبعدين الشعر بيتعمل سشوار وبيبي ليس والكيرايتن في شعرك
    يعني الكيرايتن مش بيتغسل
    وتفضلي بيه 3 ايام
    وخلال ال 3 ايام شعرك كل يوم بيتعمل فيهم سشوار وبيبي ليس
    وبرضو خلال ال 3 ايام شعرك متلمسهوش ميه
    ولا تحطي توكه ولا نضاره
    علشان توصلي لاحلي نتايج
    ورابع يوم الشعر بيتغسل عادي خالص


    ملحوظه لازم الكوافير يحط مروحه ادامك وهو بيشتغل علشان تطير الدخان
    ولو محطهاش اعرفي انه مش فاهم حاجه
    والدخان ده بيكون لان الشعر بيتعمل سشوار والكيرايتن فيه
    زي بالظبط ماتكوني مغرقه شعرك كريم وتعمليه سشوار اكيد بيدخن طبعا
    ملحوظه تانيه ياريت الناس تركز فطريقه عمل الكيرايتن علشان يعرفه اد ايه شغله مرهق
    وشغل 4 ايام مش يوم واحد
    اول يوم وضع الكيرايتن وعمله سشوار وبيبي ليس
    و3 ايام عنايه سشوار وبيبي ليس



    طيب احافظ ازاي عالكيرايتن في شعري ؟





    تحافظي عليه بالشامبو الخاص بيه
    والبلسم
    لانه لا يحتوي علي الصوديوم والسلفات
    والمادتين دول موجودين في اغلب انواع الشامبوهات الاخري
    وبيدمرو الشعر ومواد خطره جدا
    حتي جونسون بتاع الاطفال المصري بيحتوي علي الماده دي
    مش مصدقه ؟
    اقري المكتوب عليه
    علشان لو الكوافير اوهمك وقالك اغسلي بجونسون اطفال
    مفيش غير جونسون الالماني او الايطالي او اي نوع غير المصري
    وده فعلابيكون مش بيحتوي علي المواد دي





    كمان في 3 نكهات من الكيرايتن جلوبل
    شوكولاته
    فراوله
    نعناع
    والثلاث نكهات دول مجرد نكهات ليس لهم علاقه بأي شيئ يعني مهما كان شعرك ممكن تختاري النكهه الي بتفضليها






    ينفع اعمل الكيرايتن لنفسي ؟
    لا طبعا مينفعش حتي لو كونتي كوافيره مينفعش
    انا عن نفسي كوافيره وعملته عند كوافير
    ومش اي حد اللي يعمله ليكي
    لازم حد متخصص وفاهم الخطوات
    نقطه مهمه كمان تئكد ان الكيرايتن خالي من اي كيماويات
    (انك لو صبغه شعرك لون وعملتي الكيراتين لون شعرك بيفضل محتفظ بنفسه يعني مش بيتغير اللون)
    وده يئكد برضو انه خالي من اي مواد تاكل لون الشعر او تاثر عليه بالسلب
    avatar
    ملكة الذوق
    المراقبة العامة
    المراقبة العامة

    عدد المساهمات : 175
    تاريخ التسجيل : 21/01/2010
    العمر : 23
    الموقع : http://frasha-ward.yoo7.com/profile.forum?mode=viewprofile&u=5

    default رد على الموضوع

    مُساهمة من طرف ملكة الذوق في الخميس يناير 21, 2010 1:37 pm

    الله يجواك كل خير على كل كلمة تكتبينا
    avatar
    بنت الشمال
    V.I.P
    V.I.P

    عدد المساهمات : 116
    تاريخ التسجيل : 15/01/2010

    default رد: ما هو الكيراتين

    مُساهمة من طرف بنت الشمال في الإثنين أكتوبر 10, 2011 8:17 am

    ......

      الوقت/التاريخ الآن هو الإثنين مايو 21, 2018 10:49 am